«Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік көрсетілетін қызмет стандарты

«Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік көрсетілетін қызмет стандарты

1. Жалпы ережелер

 1. «Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік көрсетілетін қызметі (бұдан әрі –  мемлекеттік көрсетілетін қызмет). 

2. Мемлекеттік көрсетілетін қызмет стандартын Қазақстан Республикасы Білім және ғылым министрлігі (бұдан әрі – Министрлік) әзірледі.

3. Мемлекеттік қызметті балаларға арналған қосымша білім беру ұйымдары, жалпы орта білім беру ұйымдары (бұдан әрі – көрсетілетін қызметті беруші) көрсетеді.

Мемлекеттік қызметті көрсету үшін құжаттарды қабылдау және беру көрсетілетін қызметті берушінің кеңсесі арқылы жүзеге асырылады. 

2. Мемлекеттік қызметті көрсету тәртібі

 4. Мемлекеттік қызметті көрсету мерзімдері:

  1) құжаттар топтамасы тапсырылған кезден бастап – 30 (отыз) минут;

  2) құжаттар топтамасын тапсыруы үшін күту уақытының барынша ұзақтығы – 15 (он бес) минуттан аспайды;

 3) қызмет көрсету уақытының барынша ұзақтығы – 15 (он бес)  минуттан аспайды.

5. Мемлекеттік қызметті көрсету нысаны: қағаз түрінде.

6. Мемлекеттік қызметті көрсетудің нәтижесі: білім алушыны ата-анасының бірінің немесе заңды өкілінің өтініші негізінде балаларға қосымша білім беру бойынша қосымша білім беру ұйымына қабылдау.

Мемлекеттік қызмет көрсету нәтижесін ұсыну нысаны: қағаз түрінде.

7. Мемлекеттік қызмет ақылы/тегін көрсетіледі. «Білім туралы» Қазақстан Республикасының 2007 жылғы 27 шілдедегі Заңында көзделген білім алушылар санатына мемлекеттік көрсетілетін қызмет тегін немесе  жеңілдік негізінде ақылы түрде көрсетіледі.

Қазақстан Республикасының әлеуметтік көмек көрсетілетін азаматтарына;

1. ата-анасының қамқорлығынсыз қалған,жетім балалар .
2. даму мүмкіндіктері шектеулі балалар,мүгедектер, бала кезінен мүгедек,мүгедек балалар.
3. көп балалы отбасынан шыққан балалар.
4. уақытша оқшаулау,кәмелетке толмағандарды бейімдеу және оңалту орталығында орналасқан балалар.
5. жалпы және санаторийлік үлгідегі мектеп-интернаттарда,мектептегі интернаттарда тұратын балалар.
6. дарынды балаларға арналған мамандандырылған интернаттық білім беру ұйымдарында тәрбиеленетін және білім алатын балалар.
7. интернаттық ұйымдардың тәрбиеленушілері.
8. мемлекеттік атаулы әлеуметтік көмек алуға құқығы бар және ең орташа табысы күнкөріс табысынан төмен,мемлекеттік атаулы әлеуметтік көмек алмайтын балалар.
9. денсаулық жағдайы бойынша ұзақ уақыт бойы үйде немесе ұйымдарда,бастауыш, негізгі орта, жалпы орта білім беру бағдарламалары бойынша сондай-ақ емді қалпына келтіру және медициналық оңалту балалары.
10. Қазақстан Республикасының заңдарымен айқындалатын өзге де санаттағы азаматтар.

Мемлекеттік көрсетілетін қызмет құнын «Білім туралы» Қазақстан Республикасының 2007 жылғы 27 шілдедегі  Заңына сәйкес көрсетілетін қызметті беруші  айқындайды  және облыстардың, республикалық маңызы бар қаланың, астананың жергілікті атқарушы органдарының интернет-ресурстарында орналастырылады.

8. Жұмыс кестесі: көрсетілетін қызметті берушіде – Қазақстан Республикасының еңбек заңнамасына сәйкес демалыс және мереке күндерінен басқа, дүйсенбіден бастап жұманы қоса алғанда, сағат 13.00-ден 14.30-ға дейін түскі үзіліспен сағат 9.00-ден 18.30-ға дейін. Мемлекеттік қызмет алдын ала жазылусыз және жеделдетілген қызмет көрсетусіз, кезек күту тәртібімен көрсетіледі.

          9. Көрсетілетін қызметті алушы (не сенiмхат бойынша оның өкiлi)  жүгінген кезде мемлекеттік қызмет көрсету үшін қажетті құжаттар тізбесі:

         1) ата-анасынан өтініш, еркін нысанда;

         2) баланың жеке басын куәландыратын құжат;

         3) денсаулық жағдайы туралы  анықтама (медициналық паспорт).

10. Көрсетілетін қызметті алушы барлық қажетті құжаттарды тапсырған кезде  көрсетілетін қызметті берушіге – өтініштің көшірмесінде құжаттар топтамасын қабылдаудың күні мен уақыты көрсетіле отырып, көрсетілетін қызметті берушінің кеңсесінде тіркеу туралы белгі өтініштің қағаз жеткізгіште қабылданғанын растау болып табылады.

3. Мемлекеттік қызмет көрсету мәселелері бойынша республикалық маңызы бар қаланың және астананың, ауданның (облыстық маңызы бар қаланың) жергілікті атқарушы органдарының, мемлекеттік көрсетілетін қызметті берушінің және (немесе) оның лауазымды адамдарының шешімдеріне, әрекетіне (әрекетсіздігіне) шағымдану тәртібі

 11. Көрсетілетін қызметті берушінің және (немесе) оның лауазымды адамдарының мемлекеттік қызмет мәселелері бойынша әрекетіне (әрекетсіздігіне) шағым: білім беру саласындағы уәкілетті органның басшысының атына, мына мекен-жайға: Астана қаласы, Орынбор көшесі 8,  11 кіреберіс, 622 кабинетке не облыстардың, республикалық маңызы бар қаланың, астананың тиісті жергілікті атқарушы органы басшысының атына беріледі.

Шағым жазбаша нысанда пошта арқылы немесе көрсетілетін қызметті берушінің немесе облыстардың, республикалық маңызы бар қаланың, астананың тиісті жергілікті атқарушы органдардың кеңселері арқылы қолма-қол беріледі.

Шағымның көрсетілетін қызметті берушінің немесе облыстардың, республикалық маңызы бар қаланың, астананың тиісті жергілікті атқарушы органдарының кеңсесінде шағымды қабылдаған адамның тегі мен инициалдары, берілген шағымға жауап алу мерзімі мен орны көрсетіле отырып тіркелуі (мөртаңба, кіріс нөмірі мен күні) шағымның қабылданғанын растау болып табылады. Шағым тіркелгеннен кейін көрсетілетін қызметті берушінің немесе немесе облыстардың, республикалық маңызы бар қаланың, астананың тиісті жергілікті атқарушы органының басшысына жауапты орындаушыны айқындау және тиісті шаралар қабылдау үшін жіберіледі.

      Көрсетілетін қызметті берушінің немесе облыстардың, республикалық маңызы бар қаланың, астананың тиісті жергілікті атқарушы органдарының мекенжайына келіп түскен көрсетілетін қызметті алушының шағымы оның тіркелген күнінен бастап бес жұмыс күн ішінде қаралуға жатады. Шағымды қарау нәтижелері туралы дәлелді жауап көрсетілетін қызметті алушыға пошта арқылы жіберіледі не көрсетілетін қызметті берушінің немесе облыстардың, республикалық маңызы бар қаланың, астананың тиісті жергілікті атқарушы органдарының кеңсесінде қолма-қол беріледі.

Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы мемлекеттiк қызметтер көрсету сапасын бағалау және бақылау жөнiндегi уәкiлеттi органға шағыммен жүгіне алады.

      Мемлекеттiк қызметтер көрсету сапасын бағалау және бақылау жөнiндегi уәкiлеттi органның мекенжайына келіп түскен шағым тіркелген күнінен бастап он бес жұмыс күні ішінде қарауға жатады.

12. Көрсетілген мемлекеттік қызмет нәтижелерімен келіспеген жағдайларда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінуге құқылы.

4. Мемлекеттік қызмет көрсету ерекшеліктері ескеріле отырып қойылатын өзге де талаптар

13. Көрсетілетін мемлекеттік қызметті  берушінің мекен-жайы, байланыс телефондарын қызмет көрсетуші қосымша білім беру білім беру ұйымдары мен осы білім беру ұйымдары қарайтын өңірлік білім беру органдарынан алуға болады.

14. Көрсетілетін қызметті алушының мемлекеттік қызмет көрсету тәртібі мен мәртебесі туралы ақпаратты қашықтықтан қол жеткізу режимінде Мемлекеттік қызмет көрсету мәселелері жөніндегі бірыңғай байланыс орталығы арқылы алу мүмкіндігі бар.

15. Мемлекеттік қызмет көрсету мәселелері жөніндегі бірыңғай байланыс орталығы: 8-800-080-7777, 1414.