Күміс сиқыры

"Бірыңғай тәрбие бағдарламасын" қолдау аясында педагогтар мен оқушыларға арналған "Арман" БЖШО - да 8 наурыз Халықаралық әйелдер күнін мерекелеу қарсаңында "Күміс сиқыры" интерактивті мұражай сабағы өтті. Сабақтың мақсаты: тарихи-өлкетану мұражайының қорынан ХХ ғасырдың екінші жартысындағы ұлттық зергерлік бұйымдарды таныстыру. Іс-шараға "Беркімбай сазы" домбыра оркестрі (Б.Д. Ауенова), "Мейірбике ісі" (Г. А. Анисимова), көшбасшылар шақырылды. Іс-шараны домбырашылар қатысып отырған қыздарға арналған "Ерке сылқым" күйін орындап ашты. Содан кейін Шамиганова Гүлден Өмірғалиқызы қатысушыларды Қазақстан тарихы бойынша Ұлттық бірыңғай тестілеуден "Қазақ халқының зергерлік өнері" тақырыбындағы сұрақтарды пайдалана отырып, зергерлердің күмісті пайдалану тарихнамасымен таныстырды. Музей қорынан барлығы 24 музей экспонаты таныстырылды (білезік, сырға, сақина, қапсырма, әйелдер шапаны). Педагогикалық еңбек ардагері, Бурабай ауданының Құрметті азаматы Б. Б. Қасенова мұражай қорында осы әшекейлердің пайда болу тарихы туралы, білезік "Қошқар мүйізіндегі" жылтыратылған ою-өрнек туралы айтып берді. Іс-шара соңында "Сиқырлы күміс" бейнеролигі көрсетілді. Сабақтың рефлексиясында тапсырма берілген: қазақ халқының зергерлік өнері туралы мақал-мәтелдерді жалғастыру. Интерактивті мұражай сабағы қатысқан оқушылардың қызығушылығы мен тамсануын тудырды, олар ұсынылған зергерлік бұйымдарды ұзақ уақыт қарастырды және Ұлттық киім мен ұлттық зергерлік бұйымдарды кию әдемі ғана емес, сонымен қатар патриоттық сезім деген қорытындыға келді.