Аймақтық пікірсайыс турнирі

2024 жылғы 5 маусымда онлайн - режимде аймақтық пікірсайыс ойындары өтті. Жауапты - "Арман" балалар-жасөспірімдер шығармашылық орталығы @arman_shuchinsk Бірінші аймаққа Бурабай, Зеренді, Сандықтау, Біржан Сал, Бұланды аудандарының пікірсайыс клубтарының командалары, сондай-ақ Щучинск қаласының ІТ мектебі кірді. Қазақ, ағылшын және орыс лигалары таныстырылды. Турнирдің мақсаты: оқушылардың сыни тұрғыдан ойлауын, дауды сауатты жүргізу тәсілдері мен дағдыларын дамыту. Аағылшын лигасындағы ойындардың қорытындысы бойынша 1 орынды Щучинск қаласының ІТ мектебінің командасы иеленді. 2 орын - Бурабай ауданының командасы. Орыс лигасында: 1 орын Бурабай ауданының командасы, 2 орын - Зеренді ауданы, 3 орын-Сандықтау ауданы. Қазақ лигасында 1 орын - Бурабай ауданы, 2 орын - Зеренді ауданы. Бурабай ауданының орыс лигасын Щучинск қаласының №6 ЖББМ оқушылар құрамасы Естаева Мадина, с.Баянбай ЖББМ Рахымбеков Досбол, с. Ақылбай ЖББМ Әнуарова Самира ұсынды. Қазақ лигасында - Талғат Айя, Шыныбек Венера ШЛ 7, Жақыева Гүлжанат Златополье ауылы ЖББМ. Бірінші және екінші орын алған командалар облыс әкімінің кубогына аудандардың атынан қатысады. Балаларға сәттілік пен таза жеңіс тілейміз!!!